Rreth KRGJSH
Informacion i përmbledhur rreth KRGJSH.
Objektivat e synuara
ASIG synon krijimin e rrjeteve që përbëjnë Kornizën Referuese Gjeodezike të Shqipërisë (KRGJSH) me saktësi të lartë për të garantuar referencën hapësinore sipas standardeve europiane në të gjitha komponentët e saj.
Qëllimi
KRGJSH ka për qëllim të realizojë, nëpërmjet rrjeteve të pikave të kontrollit dhe stacioneve permanente sipas komponentëve përbërëse të saj, një sistem referues unik gjeodezik nëpërmjet të cilit përcaktohen pozicioni planimetrik, lartësitë, shkalla, graviteti dhe orientimi për çdo pikë të territorit të Republikës së Shqipërisë.
Sektorët përdorues të KRGJSH
Sektorët kryesorë që mbështesin veprimtarinë e tyre në KRGJSH janë :
Krijimi i infrastrukturës gjeohapësinore të Repblikës së Shqipërisë (NSDI), krijimi i hartave topografike të shkallëve të ndryshme, krijimi i hartave detare,në përcaktimin e kufijve administrativ,në fushën e ndërtimit dhe në studimet shkencore.
5
RRJETE KRGJSH
27
STACIONE AKTIVE GNSS
4
STACIONE MAREOGRAFIKE
4
RENDE GRAVIMETRIKE
Rrjetet e krgjsh
Më poshtë janë të paraqitur të gjithë rrjetet përbërëse të KRGJSH.
GNSS
Rrjeti shtetëror aktiv GNSS përfaqësohet nga rrjeti GNSS ALBCORS i cili mundëson një realizim të ri të Sistemit Tokësor të Referencës Europiane ETRS89 për territorin e Shqipërisë dhe në të njëjtën kohë shërben për mirëmbajtjen e kësaj reference për territorin e Shqipërisë.
Në përbërje të këtij rrjeti kemi 27 Stacione CORS të ndërtuara me blloqe betoni.
