Rrjeti Shtetëror i Pozicionimit Global

Rrjeti Shtetëror i Pozicionimit Global bazuar në Sistemet Satelitore të Navigimit Global (GNSS) mundëson bazën mbështetëse dhe kontrollin  gjeodezike në gjithë territorin e Shqipërisë.

Rrjeti Shtetëror i Pozicionimit Global është përbëhet nga dy rrjete:

Rrjeti Shtetëror Aktiv i Pozicionimit Global (ALBCORS);

Rrjeti Shtetëror Pasiv i Pozicionimit Global i cili përbëhet në vetëvete nga dy rende.

Pikat e e rrjeteve të mësipërme janë materializuar dhe të shpërndara në mënyrë uniforme në territorin e Shqipërisë duke formuar kështu një bazë unike gjeodezike të saktë, ku njëkohësisht këto pika gjeodezike janë pika të përbashkëta me të gjitha pikat e Rrjeteve të Rendeve të Parë të rrjeteve që ka në përbërjen e saj Korniza Referuese Gjeodezike Shqiptare (KRGJSH).

Konfigurimi i Rrjetit Shtetëror të Pozicionimit Global në këtë formë mundëson:

  • Realizimin dhe mirëmbajtjen e Sistemit Gjeodezik Europian ETRS89/ETRF2000
  • Mirëmbajtjen dhe qëndrueshmërinë e Rrjetit Aktiv ALBCORS.
  • Kontrollin dhe bazën gjeodezike mbështetëse për të gjitha aplikacionet inxhinierike, gjeodezike dhe shkencore.

.

Rrjeti Shtetëror Aktiv i Pozicionimit Global

Rrjeti Shtetëror Aktiv i Pozicionimit Global në territorin e Republikës së Shqipërisë përfaqësohet nga rrjeti aktiv  “ALBCORS” Ky rrjet është një nga rrjetet më kryesore të KRGJSH, i cili mundëson përcaktimin e koordinatave 3D në gjithë territorin e Shqipërisë. Rrjeti ALBCORS përbëhet nga:
  • 21 stacione referencë CORS të tipit ‘ground type’
  • 6 stacione referencë CORS të tipit ‘roof type’
  • 1 qendër monitorimi/kontrolli (ASIG)
Koordinat e 27 stacioneve referencë CORS janë llogaritur në referencën gjeodezike zyrtare KRGJSH e cila bazohet në referencën europiane ETRS86/ETRF2000(2014.177) duke u bazuar në stacionet referencë EPN të klasit A  sipas rekomandimeve të EUREF. Përpunimi i matjeve është realizuar nga kompania Gjermane ‘’Geo++” nëpërmjet programit “GNSMART’’ më precision 1 mm në plan dhe 3 mm në lartësi.

 

Programi i qendrës së monitorimit të ALBCORS ‘GNSMON’ përbëhet nga katër module:

  • Moduli për operimin, kontrollin, administrimin dhe monitorimin e stacioneve CORS referencë të rrjetit dhe menaxhimin e përdoruesve.
  • Moduli për kompensimin dhe llogaritjen e të dhënave (korrekturave) në kohë reale.
  • Moduli për post-procesim GNSS.
  • Moduli për faqen WEB.
  • Paraqitjen grafike të:
  1. Rezultateve në mënyre vizuale (në monitor)
  2. Pozicionimit të përdoruesve
  3. Mbulesës satelitore për çdo stacion
  4. Korrekturat (ephemeris data, ionospher, multipath etj)

Programi  i rrjetit ALBCORS mundëson:

Shërbimin RTK më saktësi:    ± 2-3 cm

Shërbimin Statik  më saktësi:  ±1 cm

Regjistrimin  e përdoruesve.

  1. Shkarkimin e të dhënave të stacioneve me intervale të ndryshme (nga 1-30 sekonda) në formatin RINEX etj.

Rrjeti Shtetëror Pasiv i Pozicionimit Global ​

Rrjeti Shtetëror Pasiv i Pozicionimit Global përbëhet nga dy rende:

  1.   Rrjeti Pasiv i Pozicionimit Global, i Rendit të Parë
  2.  Rrjeti Shtetëror Pasiv i Pozicionimit Global, i Rendit të Dytë

Rrjeti Shtetëror Pasiv i Pozicionimit Global i Rendit të Parë

Ky rrjet përbëhet nga 42 pika gjeodezike të fiksuara dhe  të shpërndara pothuajse uniforn në territorin e Shqipërisë. 21 pika të ketij rrjetit janë njëkohësisht pika pasive dhe aktive duke siguruar në këtë mënyre lidhje fizike me rrjetit aktiv (ALBCORS).

                       
    PIKA PASIVE                                    PIKA AKTIVE DHE PASIVE

Koordinat e këtyre pikave pikave janë llogaritur duke u bazuar në stacionet referencë ALBCORS, të cilat janë matuar sipas metodës statike më kohë-zgjatje minimalisht 2-orë.

Qëllimi kryesor i këtij rrjeti është të mundësojë kontrollin gjeodezik në vend, kontrollin e qëndrueshmërisë të Rrjetit ALBCORS, si dhe mirëmbajtjen e sistemit evropian ETRS89.

Rrjeti Shtetëror Pasiv i Pozicionimit Global i Rendit të Dytë

Rrjeti shtetëror pasiv i GNSS i rendit të dytë mundëson dendësim e Rjetit Pasiv GNSS të Rendit të Parë i cili përbëhet nga 338 pika të fiksuara dhe  të shpërndara në mënyrë të rregullt në territorin RSH. Pikat e këtij rrjeti janë pika të përbashkëta me të gjitha pikat e Rrjetet të Rendeve të Dyta , të rrjeteve që ka në përbërjen e saj KRGJSH –ja duke formuar kështu një bazë të fortë dhe funksionale.

PIKA PASIVE  RENDI II

Koordinat e 338 pikave pasive të rendit të dytë janë llogaritur duke u bazuar në stacionet referencë ALBCORS, të cilat janë matuar sipas metodës statike më kohë-zgjatje minimalisht 1-orë.

Qëllimi kryesor i këtij rrjeti është të mundësojë konfiguracionin gjeometrik të rrjeteve te KRGJSH sipas kërkesave europiane,si dhe një  bazë gjeodezike të gjerë në mbështetje të kontrollit gjeodezik dhe punimeve të ndryshme gjeodezike, inxhinierike e shkencore.